२०७४ कार्तिक ६ गते, बुधबार   वर्ष ३५, अङ्क २
मिति(२०७४ पौष ३, सोमवार) गृह पृष्‍ठ  |  प्रिन्टलाईन  |  सल्लाह सुझाव  |  पुराना अंक  |  सम्पर्क
सम्पादकीय मूल लेख लेखहरू समाचार अन्तर्वार्ता
पुराना अंक
समाचार
मुग्लिन–नारायणगढ खण्डका ४५ घर सारिने
चितवन । नारायणगढ–मुग्लिन सडक खण्डमा पहिराको उच्च जोखिममा रहेका ४५ घरलाई सुरक्षित ठाउँमा स्थानान्तरणका लागि प्रक्रिया अघि बढाइएको छ । 
प्रमुख जिल्ला अधिकारी नारायण प्रसाद भट्टका अनुसार उनीहरूलाई भौतिक संरचनाको मुआव्जा माग गरी निवेदन दिनका लागि २०७४ असार २७ गते सात दिने सूचना जारी गरिएको छ । त्यसै गरी मुआब्जा निर्धारण गर्न सहायक प्रजिअ नेत्रप ्रसाद शर्माको संयोजकत्वमा भवन तथा शहरी विकास डिभिजन कार्यालय र नारायणगढ–मुग्लिन सडक आयोजनाका एक एक इञ्जिनियर सदस्य रहेको समिति गठन गरिएको छ । भट्टका अनुसार बस्ती स्थानान्तरणका लागि जोखिममा रहेका घर भएको स्थानीय तह भरतपुर महानगरपालिका–२९ र इच्छाकामना गाउँपालिकालाई उचित ठाउँ खोज्न आग्रह गरिएको छ । 
सडकको भित्तो काटेर सडक फराकिलो बनाइएपछि ठाउँ ठाउँमा पहिरो खस्न थालेपछि ती घर तत्काल स्थानान्तरण गर्न सडक आयोजनाले जिल्ला प्रशासन कार्यालय चितवनलाई पत्राचार गरेको थियो । आयोजनाका सामाजिक विकास तथा पुनर्वास विज्ञ शिवराज सेढाईले सो सडकको अध्ययन गरी प्रारम्भिक प्रतिवेदन आयोजनालाई दिएका थिए । सेढाईका अनुसार त्रिशूली नदीतर्फको सेती दोभान, केराबारी, चोभार खोला, काली खोला, टोपेखोला लगायत क्षेत्रमा रहेका घर जोखिममा छन् । भित्तो काटिएका र नकाटिएका पहाडबाट पहिरो खस्न सक्ने जोखिम देखिएकाले ती घर स्थानान्तरणका लागि सुझाव दिइएको सेढाईले बताए । 
आयोजनाका इञ्जिनियर शिव खनालका अनुसार आउँदो वर्षको बजेटबाट मुआब्जा दिने गरी ती घर अन्यत्र सुरक्षित स्थानमा स्थानान्तरणका लागि आग्रह गरिएको छ । सो सडक राष्ट्रिय राजमार्गको अति महत्वपूर्ण सडकभित्र पर्छ । यस्ता सडकको केन्द्र रेखाबाट दायाँबायाँ २५–२५ मि सडकको भागमा पर्छ । ती अधिकांश घर सडकको भागमा नै पर्छन् । उनीहरूले भौतिक संरचनाको भने सरकारी नियम अनुसार मुआब्जा पाउने छन् । अति जोखिममा रहेका घर मात्र तत्कालका लागि स्थानान्तरण गर्न भनिएको हो । खनालका अनुसार सडकको मापदण्ड अनुसार घर भत्काउने हो भने दासढुङ्गादेखि मुग्लिनसम्मका कुनै पनि घर सडक छेउमा बाँकी रहँदैनन् । सडकको एकापट्टि नदीको तीरमा साना घर छन् भने अर्कापट्टि छेउमा ६० मिटरसम्म अग्ला पहाड छन् । सोे सडक छेउमा होटल, किराना पसल, ग्यारेज लगायत व्यवसाय सहित बसोबासका लागि पनि घर बनाइएका छन् । 
नारायणगढ–मुग्लिन सडक खण्डमा असार यता मात्र दैनिकजसो पहिरो खसेर नेपाल प्रहरीका भ्यान र ट्रक बगाएको थियो । त्यस्तै, तीन प्रहरीको मृत्यु भएको र एक अझै बेपत्ता छन् । सडकबाट चिप्लिएर एकको मृत्यु भएको छ भने एक जना बेपत्ता भएका छन् । एक जनाको भने उद्धार गरिएको थियो । पहिराका कारण हाल सो सडकमा राति आवागमन समेत बन्द गरिँदै आएको छ । (रासस)

फर्कनुहोस्


Post Your Comment
Name:
Email Address:
Comments
 
  Type you see above :
 


थप समाचार
राष्ट्रघाती विधेयकलाई पराजित गर्न मसालको आह्वान
क्लिन फिडबारे अन्यौलता कायमै
इजरायलमा रोजगारीबारे सम्झौता गर्ने तयारी
मतदाता नामावली सङ्कलन साउन १ गतेदेखि
राजदण्ड पत्ता लगाउन अपिल
गोर्खाल्यान्डका लागि भोक हड्ताल
भारतले नेपाललाई सिक्किम बनाउन खोज्यो ः चिनियाँ विज्ञ
२२ लाख नयाँ बैङ्क खाता थपिए
क्यान्सर पीडितलाई सहयोग
रिलायबल ग्लोबललाई प्राप्ति
ट्रक र टिप्परलाई समय सीमा
मत सर्वेक्षण
नेपालमा एल.पी. ग्यास र पेट्रोलियम पदार्थ सहज नहुनुमा मुख्य कारण के हो?
सरकारको लापरबाही
जनताले धेरै संचित गर्नु
नाकाबन्दीको प्रभाव

मत दिनुहोस्
नतिजा हेर्नुहोस्
वेबसाईट बनाउने: BestNepal