२०७४ असार २८ गते, बुधबार   वर्ष ३४, अङ्क ३३
मिति(२०७४ श्रावण ५, विहीवार) गृह पृष्‍ठ  |  प्रिन्टलाईन  |  सल्लाह सुझाव  |  पुराना अंक  |  सम्पर्क
सम्पादकीय मूल लेख लेखहरू समाचार साहित्य
पुराना अंक
भूकम्प 2072 बैशाख 12
भूकम्प 2072 बैशाख 12
भूकम्प 2072 बैशाख 12
भूकम्प 2072 बैशाख 12
भूकम्प 2072 बैशाख 12
भूकम्प 2072 बैशाख 12
भूकम्प 2072 बैशाख 12
भूकम्प 2072 बैशाख 12
भूकम्प 2072 बैशाख 12
भूकम्प : 2072 बैशाख 12
समाचार
भारतले नेपाललाई सिक्किम बनाउन खोज्यो ः चिनियाँ विज्ञ
काठमाडौँ । भारतले भुटान र नेपाललाई पनि सिक्कम झैँ आफूमा मिलाउन खोज्दा समस्या उत्पन्न भएको आरोप चिनियाँ विज्ञले लगाएका छन् । भुटान र नेपालका लागि सिक्किम बन्नबाट बच्नु नै पहिलो चुनौती रहेको चिनियाँ विज्ञको ठहर छ । भुटान र नेपालको आन्तरिक मामिला, सार्वभौमिकता, राष्ट्रिय प्रतिरक्षा र स्वतन्त्रतामा भारतले नाङ्गो हस्तक्षेप र नियन्त्रण जारी राखेकोमा चिनियाँ विज्ञहरूले गहिरो चिन्ता प्रकट गरेका हुन् । 
सीमावर्ती डोक्लाम क्षेत्रमा चिनियाँ सेनाले सडक निर्माण गरी रहँदा भारतीय सेनाले अवरोध पुर्‍याएपछि चीन र भारतबीच चुलिएको तनावले उग्र रूप लिएका बेला चिनियाँ विज्ञहरूको यस्तो भनाइ आएको हो । ‘भारतले भुटानको रक्षा र कूटनीतिमा नियन्त्रण गर्दै आएको छ । यो भुटानको सार्वभौम सत्ता र राष्ट्रिय स्वार्थ विपरीत छ । ठुलो सङ्ख्यामा भारतीय नागरिकहरू नेपाल र भुटानमा बसाइँ सरेका छन् । नेपालको आन्तरिक मामिलामा भारतको ठाडो हस्तक्षेप छ, चीनको चर्चित थिङ्क ट्याङ्क छ’ इन्स्टिच्युटका अनुसन्धानकर्ता लोङ सिङचुन ग्लोबल टाइम्समा लेख्छन् । 
भारतले पहिले ठुलो सङ्ख्यामा सिक्किममा भारतीय नागरिकहरू बसाइँसराइ गरी पठाएको र अन्तत्वगत्वा तिनै भारतीय नागरिकका माध्यमबाट सिक्किमको संसदलाई आफ्नो नियन्त्रणमा लिएर भारतले स्वतन्त्र मुलुक सिक्किम आफूमा विलय गराएको उनले उदाहरण दिएका छन् । सिक्किम बन्नबाट जोगिनु नै भुटान र नेपालका लागि पहिलो चुनौती रहेको उनले उल्लेख गरेका छन् । चिनियाँ कम्युनिस्ट पार्टीको मुखपत्र ग्लोबल टाइम्समा हालै प्रकाशित लेखहरूमा चिनियाँ विज्ञहरूले भारतको बढ्दो मनोमानीका कारण दक्षिण एसियामा भुटान र नेपालजस्ता मुलुक प्रताडित भएको बताएका छन् । पश्चिमा मुलुकहरूले भारतको प्रभुत्ववाद दक्षिण एसियामा कायम गराएर चीनलाई घेर्नका लागि भारतलाई उपयोग गरेको उनको भनाइ छ । ‘जस्तो सन् २०१५ मा भारतले नेपालमा नाकाबन्दी गरेको समयमा पश्चिमा मुलुक र सञ्चार माध्यम त्यसबारे मौन बसे । यसबाट देखिन्छ कि भारतको दक्षिण एसियाका साना मुलुकमा रहेको हैकमवाद विरुद्ध उनीहरू आँखा चिम्लिन्छन्’ उनी लेख्छन् । 
डोक्लाम क्षेत्रमा भारतीय सैनिक पसेर चीनको सडक निर्माणमा अवरोध पुर्‍याएर भारतले चीनसँग पौठेजोरी खेल्न खोजेको चिनियाँ विज्ञहरूको भनाइ छ । डोक्लाममा तनाव चली रहेकै बेला तिब्बती पृथकतावादी समूहका नेता दलाई लामा पक्षधरहरूले लद्दाख क्षेत्रमा अवस्थित बाङडोङ तालमा स्वतन्त्र तिब्बतको झन्डा फहराएकोमा चिनियाँ विज्ञले आपत्ति जनाएका छन् । यसरी स्वतन्त्र तिब्बतको झण्डा फहराइनुमा भारतीय पक्षकै चालबाजी हुन सक्ने उनीहरूको बुझाइ छ । ‘भारतले चीनसँग सम्बन्ध बिग्रने बित्तिकै तिब्बत कार्ड खेल्ने गरेको छ, जुन चीनको हितमा त छैन नै, भारतको पनि हितमा छैन । किनकि भारतको सबैभन्दा ठुलो व्यापारिक साझेदार चीन हो । चीनलाई चिढ्याएर भारतलाई फाइदा छैन’ चिनियाँ विज्ञ यु निङ ग्लोबल टाइम्समै प्रकाशित अर्को लेखमा भन्छन् । भारत र पश्चिमा मुलुकले खेल्दै आएको तिब्बत कार्डको कुनै अर्थ नरहेको उनले बताए । बेलायत र आफूबीच भएको सम्झौता अनुसार डोक्लाम क्षेत्रमा आफ्नो भूभाग भएको दाबी चीनको छ । डोक्लाम क्षेत्रको स्वामित्वबारे भुटान र चीनबीच लामो समय यता विवाद छ । यो क्षेत्र चीन, भुटान र भारतको त्रिदेशीय विन्दु मानिन्छ । रणनीतिक महत्वका हिसाबले चीन, भुटान, भारत र नेपालका लागि पनि यस क्षेत्रको उच्च महत्व छ । चिनियाँ सेनाले अघिल्लो महिना उक्त भूभागमा सडक निर्माण गर्दै गर्दा भारतीय सेनाले अवरोध गरेको थियो । उता भारतले भुटानको सार्वभौमिकताका खातिर आफू लडी रहेको दाबी गरेको छ । 
डोक्लाममा पसेर चिनियाँ सेनाले सडक बनाएको सो क्षेत्र सिलीगुडी करिडोर क्षेत्र नजिकै पर्ने हुँदा सुरक्षाका दृष्टिले भारतका लागि खतराको घण्टी रहेको नयाँ दिल्लीको निष्कर्ष छ । भारतीय सेनाले चिनियाँ सेनाको सडक निर्माणमा अवरोध गरेपछि भारत र चीनबीच तनाव बढेको छ । भुटानको भूमिमा सडक बनाएर चीनले बलमिच्याइँ गरेको आरोप भारतले लगाएको छ । चीनले भारतीय आरोपको खण्डन गर्दै उक्त भूभाग आफ्नो रहेकाले भारतीय सैनिक फिर्ता भएपछि मात्र समस्या समाधान हुने अडान राखेको छ । भारतले चिनियाँ सैनिक भुटानको भूभागमा छिरेको प्रतिवादस्वरूप एक महिना यता आफ्ना सैनिक सीमामा सशक्त रूपमा परिचालित गरेको छ । यो ठाउँ भारतको सधैँ अशान्त रहने उत्तर–पूर्वी क्षेत्र पुग्ने प्रमुख मार्ग पनि हो ।
(अन्नपूर्ण पोष्ट दैनिकको वेभसाइटबाट)

फर्कनुहोस्


Post Your Comment
Name:
Email Address:
Comments
 
  Type you see above :
 


थप समाचार
राष्ट्रघाती विधेयकलाई पराजित गर्न मसालको आह्वान
क्लिन फिडबारे अन्यौलता कायमै
इजरायलमा रोजगारीबारे सम्झौता गर्ने तयारी
मतदाता नामावली सङ्कलन साउन १ गतेदेखि
राजदण्ड पत्ता लगाउन अपिल
गोर्खाल्यान्डका लागि भोक हड्ताल
मुग्लिन–नारायणगढ खण्डका ४५ घर सारिने
२२ लाख नयाँ बैङ्क खाता थपिए
क्यान्सर पीडितलाई सहयोग
रिलायबल ग्लोबललाई प्राप्ति
ट्रक र टिप्परलाई समय सीमा
मत सर्वेक्षण
नेपालमा एल.पी. ग्यास र पेट्रोलियम पदार्थ सहज नहुनुमा मुख्य कारण के हो?
सरकारको लापरबाही
जनताले धेरै संचित गर्नु
नाकाबन्दीको प्रभाव

मत दिनुहोस्
नतिजा हेर्नुहोस्
वेबसाईट बनाउने: BestNepal