काठमाडौं । नेपाल सरकारले नेपाली सेनालाई इन्धन ढुवानी गर्न जिम्मा दिने भएको छ । शान्ति सुरक्षाको जिम्मेवारी पाएको सेनालाई सरकारले इन्धन ढुवानी गर्न दिन लागेको हो । निजी क्षेत्रले पेट्रोल, डिजेल, मट्टितेल, हवाइइन्धन ढुवानी गर्दे आएकामा अब ढुवानीको जिम्मा सेनालाई दिन लागिएको उद्योग वाणिज्य तथा आपूर्ति मन्त्रालयले जनाएको छ । 

जारी विश्वकपमा सर्वाधिक गोलकर्ताको दौडमा इङ्ग्ल्यान्डका कप्तान ह्यारी केन अगाडि छन । उनलाई बेल्जियमका लुकाकुले पछ्याएका छन । २४ वर्षीय केनले खेलेका पाँच खेलमध्ये तीन खेलमा छ गोल गरेका छन् । उनले समूह चरणमा पनामा विरुद्धको खेलमा ह्याट्रिक गोल गरेका थिए । त्यस्तै, ट्युनिसिया विरुद्धको खेलमा दुई गोल गरेका हुन ।

बुटवल । रसियामा जारी विश्वकप फुटबल प्रतियोगिताको सेमी–फाइनल समीकरण पुरा भएसँगैको विजेता बन्ला भनेर कौतुहलता बढेर गएको छ । गत शुक्रवार र शनिवार खेलिएका क्वाटर–फाइनलका खेलबाट प्रतियोगिताको सेमी–फाइनलमा पुग्ने टिमको टुङ्गो लागेको हो । अन्तिम चारमा स्थान सुरक्षित गरेकामध्येबाट आगामी असार ३१ गते हुने फाइनलका दुई टिम भिडने छन् ।